is liye gham se apni yari hai

is liye ġham se apnī yaarī hai

chiiz baḳhshī huī tumhārī hai

jo tirī yaad meñ guzārī hai

bas vahī zindagī hamārī hai

dil meñ us ko zarā samāne do

ishq ko to hayāt saarī hai

chāñd dekhā to yuuñ lagā jaise

shakl to hū-ba-hū tumhārī hai

dil ke armān rah ga.e dil meñ

be-qarārī sī be-qarārī hai

pher lī hai nigāh kyā tum ne

zindagī par sukūt taarī hai

achchhā lagtā hai hārnā un se

jītī-bāzī bhī ham ne haarī hai

koī hamdard hai na hai sāthī

ye bhī kyā zindagī hamārī hai

dāstāñ merī sun ke vo bole

kitnī dilchasp kitnī pyārī hai

jitnī chāho sameT lo 'rāmish'

us kī rahmat kā faiz jaarī hai

is liye gham se apni yari hai

chiz baKHshi hui tumhaari hai

jo teri yaad mein guzari hai

bas wahi zindagi hamari hai

dil mein us ko zara samane do

ishq ko to hayat sari hai

chand dekha to yun laga jaise

shakl to hu-ba-hu tumhaari hai

dil ke arman rah gae dil mein

be-qarari si be-qarari hai

pher li hai nigah kya tum ne

zindagi par sukut tari hai

achchha lagta hai haarna un se

jiti-bazi bhi hum ne haari hai

koi hamdard hai na hai sathi

ye bhi kya zindagi hamari hai

dastan meri sun ke wo bole

kitni dilchasp kitni pyari hai

jitni chaho sameT lo 'ramish'

us ki rahmat ka faiz jari hai