isMein kya jurm kya KHata sahab

is meñ kyā jurm kyā ḳhatā sāhab

dil to Thahrā hī bevafā sāhab

phir kisī dūsre kā sajda ho

phir nayā ho koī ḳhudā sāhab

jo hameñ yaad hī nahīñ the kabhī

kyā bhalā un ko bhūlnā sāhab

vo bhī merī tarah bhulā Dāleñ

kyā kaheñ kuchh kabhī huā sāhab

dil taḌaptā nahīñ hai un ke liye

kar chuke sab davā duā sāhab

hai ye mash.hūr apne baare meñ

vo kisī kā na ho sakā sāhab

ham pe tohmat ki kar diyā badnām

is qadar jhuuT intihā sāhab

zikr aksar kiyā hai ishq kā par

naam kis kā kabhī liyā sāhab

is mein kya jurm kya KHata sahab

dil to Thahra hi bewafa sahab

phir kisi dusre ka sajda ho

phir naya ho koi KHuda sahab

jo hamein yaad hi nahin the kabhi

kya bhala un ko bhulna sahab

wo bhi meri tarah bhula Dalen

kya kahen kuchh kabhi hua sahab

dil taDapta nahin hai un ke liye

kar chuke sab dawa dua sahab

hai ye mashhur apne bare mein

wo kisi ka na ho saka sahab

hum pe tohmat ki kar diya badnam

is qadar jhuT intiha sahab

zikr aksar kiya hai ishq ka par

nam kis ka kabhi liya sahab