is nae sal ki aamad pe main kya dun tujhko

is na.e saal kī aamad pe maiñ kyā duuñ tujh ko

mere dāman meñ duā.eñ haiñ duā duuñ tujh ko

sāl-e-rafta meñ tujhe chāhā bahut yaad kiyā

dil ye kahtā hai ki is saal bhulā duuñ tujh ko

tū ne chāhā hai use jis ko tirī qadr nahīñ

dil-e-nādān batā kaisī sazā duuñ tujh ko

tū ki har vaqt rahā ham se ḳhafā phir bhī 'ḳhalīl'

dil pe likkhā hai tirā naam dikhā duuñ tujh ko

is nae sal ki aamad pe main kya dun tujh ko

mere daman mein duaen hain dua dun tujh ko

sal-e-rafta mein tujhe chaha bahut yaad kiya

dil ye kahta hai ki is sal bhula dun tujh ko

tu ne chaha hai use jis ko teri qadr nahin

dil-e-nadan bata kaisi saza dun tujh ko

tu ki har waqt raha hum se KHafa phir bhi 'KHalil'

dil pe likkha hai tera nam dikha dun tujh ko