us pareshan zulf se jab samna ho jaega

us pareshāñ zulf se jab sāmnā ho jā.egā

pech-e-bād-e-sub.h ik dam meñ havā ho jā.egā

us galī meñ muntashir kar de hamārī ḳhaak ko

kuchh to arz-e-mudda.ā bād-e-sabā ho jā.egā

bas jigar ko lutf-e-yak-tīr-e-mizha darkār hai

kār-e-ġham-ḳhvārī nigāh-e-āshnā ho jā.egā

vasl meñ band-e-qabā ko minnat-e-angusht kyā

garmī-e-anfās kī ik rau se vā ho jā.egā

sūrat-e-gul vo lab-e-la.alīñ dam-e-guftār hai

dekhnā ḳhāmosh ho to ġhuncha sā ho jā.egā

us pareshan zulf se jab samna ho jaega

pech-e-baad-e-subh ek dam mein hawa ho jaega

us gali mein muntashir kar de hamari KHak ko

kuchh to arz-e-muddaa baad-e-saba ho jaega

bas jigar ko lutf-e-yak-tir-e-mizha darkar hai

kar-e-gham-KHwari nigah-e-ashna ho jaega

wasl mein band-e-qaba ko minnat-e-angusht kya

garmi-e-anfas ki ek rau se wa ho jaega

surat-e-gul wo lab-e-lalin dam-e-guftar hai

dekhna KHamosh ho to ghuncha sa ho jaega