is qadar afsurdagi mahsus ki

is qadar afsurdagī mahsūs kī

maiñ ne jab us kī kamī mahsūs kī

raat meñ soyā thā dariyā ke qarīb

ḳhvāb meñ ik jal-parī mahsūs kī

us ke aane kā yaqīñ baḌhne lagā

farsh-e-dil par ghaas ugī mahsūs kī

aaj phir vo dar khulā thā dhyān meñ

aur ik dīvār sī mahsūs kī

vaqt kā karne lage ham ehtirām

har mohabbat āḳhirī mahsūs kī

maut jis din chhū ke guzrī thī mujhe

maiñ ne us din zindagī mahsūs kī

aaj maañ ghar pe nahīñ thī aur phir

ham ne kitnī be-gharī mahsūs kī

vaqt us ne mujh se pūchhā thā 'vasīm'

sab ne hāthoñ meñ ghaḌī mahsūs kī

is qadar afsurdagi mahsus ki

main ne jab us ki kami mahsus ki

raat mein soya tha dariya ke qarib

KHwab mein ek jal-pari mahsus ki

us ke aane ka yaqin baDhne laga

farsh-e-dil par ghas ugi mahsus ki

aaj phir wo dar khula tha dhyan mein

aur ek diwar si mahsus ki

waqt ka karne lage hum ehtiram

har mohabbat aaKHiri mahsus ki

maut jis din chhu ke guzri thi mujhe

main ne us din zindagi mahsus ki

aaj man ghar pe nahin thi aur phir

hum ne kitni be-ghari mahsus ki

waqt us ne mujh se puchha tha 'wasim'

sab ne hathon mein ghaDi mahsus ki