is qadar naz hai kyun aapko yaktai ka

Dagh Dehlvi

is qadar naz hai kyun aapko yaktai ka

Dagh Dehlvi

MORE BY Dagh Dehlvi

    is qadar naaz hai kyuuñ aap ko yaktā.ī

    dūsrā naam hai vo bhī mirī tanhā.ī

    kyā chhupe raaz ilāhī dil-e-shaidā.ī

    arsa-e-hashr to bāzār hai rusvā.ī

    jaan le jā.egā aanā shab-e-tanhā.ī

    kaun ab rokne vaalā hai mirī aa.ī

    ḳhūgar-e-ranj-o-balā hashr ke din kyā ḳhush hoñ

    ki vo maal aaj huā hai shab-e-tanhā.ī

    zinda hai naam shahādat usī ke dam se

    tere kushte ne kiyā kaam masīhā.ī

    har galī kūche meñ pāmāl use ho jaanā

    dil hai naqsh-e-qadam hai kisī harjā.ī

    is adab se tah-e-shamshīr taḌapnā ai dil

    ki gumāñ terī tapish par ho shakebā.ī

    fitne bhī qā.ede se uThte haiñ jab uThte haiñ

    kyā salīqa hai tumheñ anjuman-ārā.ī

    vo ye kahte haiñ mirā sabr paḌegā tujh par

    ab mujhe ranj nahīñ apnī shakebā.ī

    kyā ġharaz hai mirī taqdīr ko mujh se pūchhe

    aabrū hai talabgār ki rusvā.ī

    vaañ shab-e-va.ada malī paañv meñ mehñdī us ne

    yaañ kalejā koī maltā hai tamannā.ī

    raat bhar sham.a rahī hijr meñ vo bhī ḳhāmosh

    multajī thā tirī tasvīr se goyā.ī

    sar mirā kaaT ke dahlīz par apnī rakh do

    shauq baaqī hai abhī nāsiya-farsā.ī

    yuuñ na maqbūl huā hogā kisī sajda

    but ko armān rahā merī jabīñ-sā.ī

    ho gayā partav-e-ruḳhsār se kuchh aur rañg

    maiñ ne muñh chuum liyā us ke tamāshā.ī

    tham ga.e jam ga.e āñkhoñ meñ lahū ke qatre

    ḳhuun zāhir hai mire sabr o shakebā.ī

    ban gayā dāġh-e-jigar mehr-e-qayāmat ai 'dāġh'

    par abhī rañg vahī hai shab-e-tanhā.ī

    is qadar naz hai kyun aap ko yaktai ka

    dusra nam hai wo bhi meri tanhai ka

    kya chhupe raaz ilahi dil-e-shaidai ka

    arsa-e-hashr to bazar hai ruswai ka

    jaan le jaega aana shab-e-tanhai ka

    kaun ab rokne wala hai meri aai ka

    KHugar-e-ranj-o-bala hashr ke din kya KHush hon

    ki wo mal aaj hua hai shab-e-tanhai ka

    zinda hai nam shahadat ka usi ke dam se

    tere kushte ne kiya kaam masihai ka

    har gali kuche mein pamal use ho jaana

    dil hai ya naqsh-e-qadam hai kisi harjai ka

    is adab se tah-e-shamshir taDapna ai dil

    ki guman teri tapish par ho shakebai ka

    fitne bhi qaede se uThte hain jab uThte hain

    kya saliqa hai tumhein anjuman-arai ka

    wo ye kahte hain mera sabr paDega tujh par

    ab mujhe ranj nahin apni shakebai ka

    kya gharaz hai meri taqdir ko mujh se puchhe

    aabru ka hai talabgar ki ruswai ka

    wan shab-e-wada mali panw mein mehndi us ne

    yan kaleja koi malta hai tamannai ka

    raat bhar shama rahi hijr mein wo bhi KHamosh

    multaji tha teri taswir se goyai ka

    sar mera kaT ke dahliz par apni rakh do

    shauq baqi hai abhi nasiya-farsai ka

    yun na maqbul hua hoga kisi ka sajda

    but ko arman raha meri jabin-sai ka

    ho gaya partaw-e-ruKHsar se kuchh aur hi rang

    main ne munh chum liya us ke tamashai ka

    tham gae jam gae aankhon mein lahu ke qatre

    KHun zahir hai mere sabr o shakebai ka

    ban gaya dagh-e-jigar mehr-e-qayamat ai 'dagh'

    par abhi rang wahi hai shab-e-tanhai ka

    RECITATIONS

    Nomaan Shauque

    Nomaan Shauque

    Nomaan Shauque

    is qadar naz hai kyun aapko yaktai ka Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites