is rah mein aate hain bayaban bhi chaman bhi

is raah meñ aate haiñ bayābāñ bhī chaman bhī

kahte haiñ jise ziist shabistāñ bhī hai ran bhī

kyā ho gayā insān kā vo shauq-e-shahādat

vīrān nazar aate haiñ ab dār-o-rasan bhī

bujh jā.egī mil-jul ke agar pyaas bujhāo

gañgā hī ke nazdīk to hai rūd-e-jaman bhī

ab lāla-ba-dāmāñ na koī chāk-garebāñ

vīrān chaman hī nahīñ sunsān hai ban bhī

ik ham hī nahīñ ābla-pā dasht-o-daman meñ

aate haiñ nazar ḳhāk-basar lāla-badan bhī

ḳhālī nahīñ ab dāman-e-hasrat mirā 'darshan'

ham-rāh-e-vafā mujh ko milā ishq-e-vatan bhī

is rah mein aate hain bayaban bhi chaman bhi

kahte hain jise zist shabistan bhi hai ran bhi

kya ho gaya insan ka wo shauq-e-shahadat

viran nazar aate hain ab dar-o-rasan bhi

bujh jaegi mil-jul ke agar pyas bujhao

ganga hi ke nazdik to hai rud-e-jaman bhi

ab lala-ba-daman na koi chaak-gareban

viran chaman hi nahin sunsan hai ban bhi

ek hum hi nahin aabla-pa dasht-o-daman mein

aate hain nazar KHak-basar lala-badan bhi

KHali nahin ab daman-e-hasrat mera 'darshan'

ham-rah-e-wafa mujh ko mila ishq-e-watan bhi