is se aage jo bacha kirdar wo lachaar hai

is se aage jo bachā kirdār vo lāchār hai

ḳhatm hai jis par kahānī ye vahī dīvār hai

vaqt par bas is liye letā nahīñ huuñ maiñ davā

pūchh le vo kis se kaisā ab mirā bīmār hai

bhuuk ġhurbat sar chhupāne ko jahāñ par ghar nahīñ

log aise kis se boleñ zindagī dushvār hai

yaar bichhḌā hai mirā kuchh roz pahle ġham meñ huuñ

in dinoñ mere liye duniyā baḌī bekār hai

maañ se ro ke kah rahī thī ek laḌkī ranj meñ

maañ mujhe jis se mohabbat hai vahī darkār hai

kah rahī thī dost se 'rāhil' milegā ek din

baap merā is qabīle kā abhī sardār hai

is se aage jo bacha kirdar wo lachaar hai

KHatm hai jis par kahani ye wahi diwar hai

waqt par bas is liye leta nahin hun main dawa

puchh le wo kis se kaisa ab mera bimar hai

bhuk ghurbat sar chhupane ko jahan par ghar nahin

log aise kis se bolen zindagi dushwar hai

yar bichhDa hai mera kuchh roz pahle gham mein hun

in dinon mere liye duniya baDi bekar hai

man se ro ke kah rahi thi ek laDki ranj mein

man mujhe jis se mohabbat hai wahi darkar hai

kah rahi thi dost se 'rahil' milega ek din

bap mera is qabile ka abhi sardar hai