is se behtar to kuchh is duniya mein dekha hi nahin

is se behtar to kuchh is duniyā meñ dekhā hī nahīñ

tere chehre sā yahāñ koī bhī chehra hī nahīñ

maiñ ne āvāzeñ use dī thiiñ na jaane kitnī

merī ḳhātir vo magar raah meñ Thahrā hī nahīñ

ham ne chhānī hai bahut ḳhaak jahāñ-bhar kī magar

ham ko tum jaisā yahāñ koī bhī miltā hī nahīñ

ham ne chāhā to yahī thā ki vo mil jaa.e hameñ

is hathelī meñ magar yaar vo rekhā hī nahīñ

ham ne dekhe haiñ nadī jhiil samundar kitne

terī āñkhoñ sā magar kuchh bhī to gahrā hī nahīñ

is se behtar to kuchh is duniya mein dekha hi nahin

tere chehre sa yahan koi bhi chehra hi nahin

main ne aawazen use di thin na jaane kitni

meri KHatir wo magar rah mein Thahra hi nahin

hum ne chhani hai bahut KHak jahan-bhar ki magar

hum ko tum jaisa yahan koi bhi milta hi nahin

hum ne chaha to yahi tha ki wo mil jae hamein

is hatheli mein magar yar wo rekha hi nahin

hum ne dekhe hain nadi jhil samundar kitne

teri aankhon sa magar kuchh bhi to gahra hi nahin