is se pahle ki hawa mujhko uDa le jae

is se pahle ki havā mujh ko uḌā le jaa.e

apnī zulfoñ meñ koī aa ke sajā le jaa.e

jis ko is ahd meñ jiine kā hunar aatā ho

us se kah do ki mirī umr lagā le jaa.e

chāñdnī khiḌkī se kamre meñ utar aatī hai

koī tasvīr na album se churā le jaa.e

hausla dev se laḌne kā kisī meñ bhī nahīñ

chāhte sab haiñ parī aa ke jagā le jaa.e

apnī ḳhātir na sahī kuchh to bachā kar rakkho

lūTne koī agar aa.e to kyā le jaa.e

ibn-e-ādam na kaho us ko farishta samjho

ḳhud ko jo dāna-e-gandum se bachā le jaa.e

is se pahle ki hawa mujh ko uDa le jae

apni zulfon mein koi aa ke saja le jae

jis ko is ahd mein jine ka hunar aata ho

us se kah do ki meri umr laga le jae

chandni khiDki se kamre mein utar aati hai

koi taswir na album se chura le jae

hausla dew se laDne ka kisi mein bhi nahin

chahte sab hain pari aa ke jaga le jae

apni KHatir na sahi kuchh to bacha kar rakkho

luTne koi agar aae to kya le jae

ibn-e-adam na kaho us ko farishta samjho

KHud ko jo dana-e-gandum se bacha le jae