is se phulon wale bhi aajiz aa gae hain

Idris Babar

is se phulon wale bhi aajiz aa gae hain

Idris Babar

MORE BYIdris Babar

    is se phūloñ vaale bhī aajiz aa ga.e haiñ

    terī ḳhātir jo guldasta DhūñD rahā hai

    dil ko dhakke khāte nikāle jaate dekh ke

    sāhil apnā pakkā dariyā DhūñD rahā hai

    tasma khulā jaise āzād talāzma ho vaah

    ek pahan ke dūsrā juutā DhūñD rahā hai

    us ke flat se bāhar koī duur dost

    paas ke bus stop rasta DhūñD rahā hai

    bas kar de ab, kab se matl.a DhūñD rahā hai

    kyā koī tīsrā chauthā misra.a DhūñD rahā hai

    m.a kiye bint-e-mochī ko chauthā saal hai

    tab se vo job aur karmū rishta DhūñD rahā hai

    har masnūī pañkhā jhūTā make-up kar ke

    zaat shahr-panāh meñ raḳhna DhūñD rahā hai

    lamp jalāte aur bujhā ke phir se jalāte

    vo mujhe gum kartā hai DhūñD rahā hai

    party Thap mehmān-e-ḳhusūsī shāi.r-e-āzam

    patlī galī meñ paan khokhā DhūñD rahā hai

    yaaro baiThe nahreñ khodo bāteñ chhoḌo

    maiñ use DhūñD luuñ mujhe jo tanhā DhūñD rahā hai

    ik laḌkī apne liye laḌkī DhūñD rahī hai

    ik laḌkā apne liye laḌkā DhūñD rahā hai

    mobile par app lagāo kaam chalāo

    kaun purāne shahar naqsha DhūñD rahā hai

    roze rakhvāo khulvāo jannat paao

    banda to do vaqt khānā DhūñD rahā hai

    merī iklautī T-shirt pe qabza jamā.e

    achchhā rōmmate apnā kachchhā DhūñD rahā hai

    khil-khilā ke load-shedding se faiz uThā ke

    yūsuf-jānī tujhe ye andhā DhūñD rahā hai

    gadle paanī se dhulte station par kis ko

    garmā-garm chaa.e piyāla DhūñD rahā hai

    siine par do qabroñ kai ta.avīz bañdhe haiñ

    bach kar, dhūp! mujhe ik saaya DhūñD rahā hai

    u-e-t meñ chhuTTiyāñ hone vaalī haiñ dost

    kaun hostel kis kamra DhūñD rahā hai

    is se phulon wale bhi aajiz aa gae hain

    teri KHatir jo guldasta DhunD raha hai

    dil ko dhakke khate nikale jate dekh ke

    sahil apna pakka dariya DhunD raha hai

    tasma khula jaise aazad talazma ho wah

    ek pahan ke dusra juta DhunD raha hai

    us ke flat se bahar koi dur ka dost

    pas ke bus stop ka rasta DhunD raha hai

    bas kar de ab, kab se matla DhunD raha hai

    kya koi tisra chautha misra DhunD raha hai

    ma kiye bint-e-mochi ko chautha sal hai

    tab se wo job aur karmu rishta DhunD raha hai

    har masnui pankha jhuTa make-up kar ke

    zat ki shahr-panah mein raKHna DhunD raha hai

    lamp jalate aur bujha ke phir se jalate

    ya wo mujhe gum karta hai ya DhunD raha hai

    party Thap mehman-e-KHususi shair-e-azam

    patli gali mein pan ka khokha DhunD raha hai

    yaro baiThe nahren khodo baaten chhoDo

    main use DhunD lun mujhe jo tanha DhunD raha hai

    ek laDki apne liye laDki DhunD rahi hai

    ek laDka apne liye laDka DhunD raha hai

    mobile par app lagao kaam chalao

    kaun purane shahar ka naqsha DhunD raha hai

    roze rakhwao khulwao jannat pao

    banda to do waqt ka khana DhunD raha hai

    meri iklauti T-shirt pe qabza jamae

    achchha roommate apna kachchha DhunD raha hai

    khil-khila ke load-shedding se faiz uTha ke

    yusuf-jaani tujhe ye andha DhunD raha hai

    gadle pani se dhulte station par kis ko

    garma-garm si chae ka piyala DhunD raha hai

    sine par do qabron kai tawiz bandhe hain

    bach kar, dhup! mujhe ek saya DhunD raha hai

    u-e-t mein chhuTTiyan hone wali hain dost

    kaun sa hostel kis ka kamra DhunD raha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now