is shahr-e-kaj-kulah ke aasar dekhna

is shahr-e-kaj-kulāh ke āsār dekhnā

aur ḳhud ko be-ridā sar-e-bāzār dekhnā

vo mere bādbān kā khulnā havā ke saath

aur muḌ ke terā jānib-e-rahvār dekhnā

āshob-e-ḳhisht-o-ḳhāk se jī ko amaañ kahāñ

phir us pe rañg-e-shīsha-e-pindār dekhnā

ab ke lagān kaun uThāne ko aa.egā

ab ke saroñ kī fasl hai tayyār dekhnā

masnad-nashīn-e-shahr-e-ḳharābāt kaun ho

kis se sambhal sakegī ye dastār dekhnā

gah is fasīl-e-yād kī qindīl par nigāh

gah asp-e-harf-o-ḳhvāb kī raftār dekhnā

jis meñ ġharīb-e-shahr kī beTī chunī ga.ī

ai mere shahr-e-yār vo dīvār dekhnā

is shahr-e-kaj-kulah ke aasar dekhna

aur KHud ko be-rida sar-e-bazar dekhna

wo mere baadban ka khulna hawa ke sath

aur muD ke tera jaanib-e-rahwar dekhna

aashob-e-KHisht-o-KHak se ji ko aman kahan

phir us pe rang-e-shisha-e-pindar dekhna

ab ke lagan kaun uThane ko aaega

ab ke saron ki fasl hai tayyar dekhna

masnad-nashin-e-shahr-e-KHarabaat kaun ho

kis se sambhal sakegi ye dastar dekhna

gah is fasil-e-yaad ki qindil par nigah

gah asp-e-harf-o-KHwab ki raftar dekhna

jis mein gharib-e-shahr ki beTi chuni gai

ai mere shahr-e-yar wo diwar dekhna