aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is shahr mein nishana-e-qatil hami to hain

Hafeez Shahid

is shahr mein nishana-e-qatil hami to hain

Hafeez Shahid

MORE BYHafeez Shahid

    is shahr meñ nishāna-e-qātil hamī to haiñ

    kuchh jābiroñ raah meñ haa.il hamī to haiñ

    jo bechne chale haiñ matā-e-bahār ko

    un dushmanoñ ke madd-e-muqābil hamī to haiñ

    gul-kārī-e-chaman meñ hamārā lahū bhī hai

    rañgīnī-e-bahār meñ shāmil hamī to haiñ

    jo daulat-e-hunar ke talabgār haiñ abhī

    ai rabb-e-harf-o-saut vasā.el hamī to haiñ

    jo kho ga.e haiñ pech-o-ḳham-e-rahguzār meñ

    un sab ke muntazir sar-e-manzil hamī to haiñ

    ik umr se haiñ halqa-e-girdāb meñ ghire

    nā-āshnā-e-qurbat-e-sāhil hamī to haiñ

    ham se hai ye raunaq-e-bazm-e-hayāt bhī

    is kārobār-e-vaqt hāsil hamī to haiñ

    us ne atā kiyā hai ġham-e-do-jahāñ hameñ

    us navāzishāt ke qābil hamī to haiñ

    ham-rāhyān-e-jāda-e-duniyā se kyā gila

    'shāhid' ḳhud apnī zaat se ġhāfil hamī to haiñ

    is shahr mein nishana-e-qatil hami to hain

    kuchh jabiron ki rah mein hail hami to hain

    jo bechne chale hain mata-e-bahaar ko

    un dushmanon ke madd-e-muqabil hami to hain

    gul-kari-e-chaman mein hamara lahu bhi hai

    rangini-e-bahaar mein shamil hami to hain

    jo daulat-e-hunar ke talabgar hain abhi

    ai rabb-e-harf-o-saut wasael hami to hain

    jo kho gae hain pech-o-KHam-e-rahguzar mein

    un sab ke muntazir sar-e-manzil hami to hain

    ek umr se hain halqa-e-girdab mein ghire

    na-ashna-e-qurbat-e-sahil hami to hain

    hum hi se hai ye raunaq-e-bazm-e-hayat bhi

    is karobar-e-waqt ka hasil hami to hain

    us ne ata kiya hai gham-e-do-jahan hamein

    us ki nawazishat ke qabil hami to hain

    ham-rahyan-e-jada-e-duniya se kya gila

    'shahid' KHud apni zat se ghafil hami to hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now