is shola-KHu ki tarah bigaDta nahin koi
is shola-ḳhū kī tarah bigaḌtā nahīñ koī
tezī se itnī aag pakaḌtā nahīñ koī
vo chehra to chaman hai magar sāneha ye hai
us shāḳh-e-lab se phuul hī jhaḌtā nahīñ koī
ḳhud ko baḌhā-chaḌhā ke batāte haiñ yaar log
hālāñki is se farq to paḌtā nahīñ koī
logoñ kā kyā hai aaj mile kal bichhaḌ ga.e
ġham do ghaḌī bhī mujh se bichhaḌtā nahīñ koī
majbūri-e-hayāt hai varna zamīn par
ḳhush ho ke eḌiyāñ to ragaḌtā nahīñ koī
jis tarah yaad chhoḌ gayā mere dil meñ tū
is umdagī se la.al bhī juḌtā nahīñ koī
kahte haiñ log dekh ke is haal meñ mujhe
apne ḳhilāf jañg to laḌtā nahīñ koī
'rūhī' tujhe bhī laag rahī hai zamāne se
be-vaj.h to kisī se bigaḌtā nahīñ koī
is shola-KHu ki tarah bigaDta nahin koi
tezi se itni aag pakaDta nahin koi
wo chehra to chaman hai magar saneha ye hai
us shaKH-e-lab se phul hi jhaDta nahin koi
KHud ko baDha-chaDha ke batate hain yar log
haalanki is se farq to paDta nahin koi
logon ka kya hai aaj mile kal bichhaD gae
gham do ghaDi bhi mujh se bichhaDta nahin koi
majburi-e-hayat hai warna zamin par
KHush ho ke eDiyan to ragaDta nahin koi
jis tarah yaad chhoD gaya mere dil mein tu
is umdagi se lal bhi juDta nahin koi
kahte hain log dekh ke is haal mein mujhe
apne KHilaf jang to laDta nahin koi
'ruhi' tujhe bhi lag rahi hai zamane se
be-wajh to kisi se bigaDta nahin koi
Source:
Beesveen Sadi Ki Behtareen Ishqiya Ghazlen (Pg. 100)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
