is tarah bazm mein wasf-e-ruKH-e-jaanana karun

is tarah bazm meñ vasf-e-ruḳh-e-jānāna karūñ

ātish-e-shauq se tā-sham.a ko parvāna karūñ

aql kā ta.an na kar mujh pe abhī ai nāseh

ik suḳhan ishq kā kah tujh ko bhī dīvāna karūñ

ashk-e-hasrat kī agar hove madad ai zāhid

dil-e-sad-chāk ko maiñ sub.ha-e-sad-dāna karūñ

dard-e-dil pūchh na mujh se ki vo bātūnī huuñ

harf ho ek to sau tarah se afsāna karūñ

apne saudā ne kiyā shahr kā bāzār to garm

ai 'razā' dil meñ hai ābād maiñ vīrāna karūñ

is tarah bazm mein wasf-e-ruKH-e-jaanana karun

aatish-e-shauq se ta-shama ko parwana karun

aql ka tan na kar mujh pe abhi ai naseh

ek suKHan ishq ka kah tujh ko bhi diwana karun

ashk-e-hasrat ki agar howe madad ai zahid

dil-e-sad-chaak ko main subha-e-sad-dana karun

dard-e-dil puchh na mujh se ki wo baatuni hun

harf ho ek to sau tarah se afsana karun

apne sauda ne kiya shahr ka bazar to garm

ai 'raza' dil mein hai aabaad main virana karun