is tarah dil ko be-asra chhoD kar

is tarah dil ko be-āsrā chhoḌ kar

ham kahāñ jaa.eñ dar aap kā chhoḌ kar

kyā bharosa marīz-e-ġham-e-ishq kā

kuchh duā kījiye ab davā chhoḌ kar

yuuñ bhī hotā hai apnoñ se bad-zan koī

yuuñ bhī jaatā hai koī bhalā chhoḌ kar

mauj-e-tūfāñ ne baḌh kar sahārā diyā

chal diyā jab mujhe nāḳhudā chhoḌ kar

bāda-ḳhāne meñ rusvā.iyāñ hī sahī

kaun jaa.e ye rangīñ fazā chhoḌ kar

muddatoñ yaad kartā rahegā jahāñ

miT chale ham to naqsha-e-vafā chhoḌ kar

ahl-e-duniyā ne 'āsī' bahut kuchh diyā

ek jins-e-ḳhulūs-o-vafā chhoḌ kar

is tarah dil ko be-asra chhoD kar

hum kahan jaen dar aap ka chhoD kar

kya bharosa mariz-e-gham-e-ishq ka

kuchh dua kijiye ab dawa chhoD kar

yun bhi hota hai apnon se bad-zan koi

yun bhi jata hai koi bhala chhoD kar

mauj-e-tufan ne baDh kar sahaara diya

chal diya jab mujhe naKHuda chhoD kar

baada-KHane mein ruswaiyan hi sahi

kaun jae ye rangin faza chhoD kar

muddaton yaad karta rahega jahan

miT chale hum to naqsha-e-wafa chhoD kar

ahl-e-duniya ne 'asi' bahut kuchh diya

ek jins-e-KHulus-o-wafa chhoD kar