is tarah karb ki shiddat ko chhupa rakkha hai

is tarah karb kī shiddat ko chhupā rakkhā hai

maiñ ne palkoñ pe tabassum ko sajā rakkhā hai

vo mire ghar kī taraf lauT ke aa.egā kabhī

bas isī aas pe ik diip jalā rakhā hai

maiñ añdheroñ se bhalā ḳhauf bhī khātā kaise

mere māñ-bāp ne to naam 'ziyā' rakkhā hai

aur kyā duuñ maiñ tujhe apnī mohabbat kā subūt

tere qadmoñ pe zamāne ko jhukā rakkhā hai

haath rasman hī milāyā thā kisī se maiñ ne

āsmāñ tum ne magar sar pe uThā rakkhā hai

kho.e kho.e hue rahte haiñ hamesha āḳhir

tum ne kyā haal 'ziyā-zaḳhmī' banā rakkhā hai

is tarah karb ki shiddat ko chhupa rakkha hai

main ne palkon pe tabassum ko saja rakkha hai

wo mere ghar ki taraf lauT ke aaega kabhi

bas isi aas pe ek dip jala rakha hai

main andheron se bhala KHauf bhi khata kaise

mere man-bap ne to nam 'ziya' rakkha hai

aur kya dun main tujhe apni mohabbat ka subut

tere qadmon pe zamane ko jhuka rakkha hai

hath rasman hi milaya tha kisi se main ne

aasman tum ne magar sar pe uTha rakkha hai

khoe khoe hue rahte hain hamesha aaKHir

tum ne kya haal 'ziya-zaKHmi' bana rakkha hai