is tarah TuT kar gira pani

is tarah TuuT kar girā paanī

bādaloñ meñ nahīñ bachā paanī

ghar banāyā to thā bulandī par

phir bhī āñgan meñ bhar gayā paanī

laḌ-jhagaḌ kar kabhī to aag banā

aur kabhī barf ban gayā gayā paanī

mujh ko apne hī shahr kā yaaro

raas aayā nahīñ havā paanī

log dīvāna-vār TuuT paḌe

muddatoñ ba.ad jab milā paanī

haath thāme hue havāoñ kā

rāste meñ hameñ milā paanī

ek bhī buuñd khet ko na milī

sab havāoñ ne pī liyā paanī

le ke chullū meñ maiñ ne pheñk diyā

muñh mirā dekhtā rahā paanī

muddatoñ se maiñ tishna-lab thā 'zafar'

phir bhī sab ko pilā diyā paanī

is tarah TuT kar gira pani

baadalon mein nahin bacha pani

ghar banaya to tha bulandi par

phir bhi aangan mein bhar gaya pani

laD-jhagaD kar kabhi to aag bana

aur kabhi barf ban gaya gaya pani

mujh ko apne hi shahr ka yaro

ras aaya nahin hawa pani

log diwana-war TuT paDe

muddaton baad jab mila pani

hath thame hue hawaon ka

raste mein hamein mila pani

ek bhi bund khet ko na mili

sab hawaon ne pi liya pani

le ke chullu mein main ne phenk diya

munh mera dekhta raha pani

muddaton se main tishna-lab tha 'zafar'

phir bhi sab ko pila diya pani