is tariqe se hi apna to bana lega mujhe

is tarīqe se hī apnā to banā legā mujhe

vo agar ḳhud ko gañvā de to kamā legā mujhe

ek taale kī ka.ī chābiyāñ haiñ paas us ke

vo kisī tarah se bhī yaar manā legā mujhe

uñgliyoñ se maiñ kiran ban ke nikal jā.ūñgā

tū samajhtā hai ki muTThī meñ dabā legā mujhe

laakh maiñ gaatā rahūñ giit anā ke apnī

vo magar ek ishāre pe bulā legā mujhe

us ne bhī sab kī tarah daad hī dī sheroñ par

maiñ ne sochā thā ki siine se lagā legā mujhe

is tariqe se hi apna to bana lega mujhe

wo agar KHud ko ganwa de to kama lega mujhe

ek tale ki kai chabiyan hain pas us ke

wo kisi tarah se bhi yar mana lega mujhe

ungliyon se main kiran ban ke nikal jaunga

tu samajhta hai ki muTThi mein daba lega mujhe

lakh main gata rahun git ana ke apni

wo magar ek ishaare pe bula lega mujhe

us ne bhi sab ki tarah dad hi di sheron par

main ne socha tha ki sine se laga lega mujhe