is tawaqqoa pe khula rakkha gareban apna

is tavaqqo.a pe khulā rakkhā garebāñ apnā

jaane kab aan mile jān-e-bahārāñ apnā

lamhe lamhe kī rifāqat thī kabhī vaj.h-e-nashāt

mausam-e-hijr huā ab sar-o-sāmāñ apnā

nit-na.e ḳhvāb dikhātā hai ujāloñ ke liye

vo ki hai dushman-e-jāñ dushman-e-īmāñ apnā

nik.hat-e-gul hī nahīñ ḳhaak bhī hai ham ko aziiz

apnā sahrā hai chaman apnā ḳhayābāñ apnā

dekh letī hai jahāñ azm-o-yaqīñ ke paikar

ruḳh badaltī hai vahāñ gardish-e-daurāñ apnā

ye to maanā ki huī ishq meñ rusvā.ī bahut

ho gayā naam ġhazal meñ to numāyāñ apnā

us se bichhḌe haiñ to mahsūs huā hai 'nāsir'

haal itnā to na thā pahle pareshāñ apnā

is tawaqqoa pe khula rakkha gareban apna

jaane kab aan mile jaan-e-bahaaran apna

lamhe lamhe ki rifaqat thi kabhi wajh-e-nashat

mausam-e-hijr hua ab sar-o-saman apna

nit-nae KHwab dikhata hai ujalon ke liye

wo ki hai dushman-e-jaan dushman-e-iman apna

nikhat-e-gul hi nahin KHak bhi hai hum ko aziz

apna sahra hai chaman apna KHayaban apna

dekh leti hai jahan azm-o-yaqin ke paikar

ruKH badalti hai wahan gardish-e-dauran apna

ye to mana ki hui ishq mein ruswai bahut

ho gaya nam ghazal mein to numayan apna

us se bichhDe hain to mahsus hua hai 'nasir'

haal itna to na tha pahle pareshan apna