is waste logon ko sunai nahin dete

is vāste logoñ ko sunā.ī nahīñ dete

ham aah to bharte haiñ duhā.ī nahīñ dete

kuchh dard haiñ aise ki jo chehre se ayaañ haiñ

kuchh zaḳhm haiñ aise jo dikhā.ī nahīñ dete

vo rāste jachte hī nahīñ ahl-e-dilāñ ko

vo rāste jo ābla-pā.ī nahīñ dete

yādoñ kī hai ik bazm sajī ḳhāna-e-dil meñ

is bazm meñ ġhairoñ ko rasā.ī nahīñ dete

ham log ta’alluq meñ bahut saaf haiñ lekin

ham log ta’alluq kī safā.ī nahīñ dete

is waste logon ko sunai nahin dete

hum aah to bharte hain duhai nahin dete

kuchh dard hain aise ki jo chehre se ayan hain

kuchh zaKHm hain aise jo dikhai nahin dete

wo raste jachte hi nahin ahl-e-dilan ko

wo raste jo aabla-pai nahin dete

yaadon ki hai ek bazm saji KHana-e-dil mein

is bazm mein ghairon ko rasai nahin dete

hum log ta’alluq mein bahut saf hain lekin

hum log ta’alluq ki safai nahin dete