is zindagi mein kuchh to tab-o-tab chahiye

Ashfaq Husain

is zindagi mein kuchh to tab-o-tab chahiye

Ashfaq Husain

MORE BYAshfaq Husain

    is zindagī meñ kuchh to tab-o-tāb chāhiye

    āñkhoñ ko roz ek nayā ḳhvāb chāhiye

    is shahr-e-be-misāl galiyoñ ke saath saath

    sar par ridā-e-anjum-o-mahtāb chāhiye

    ḳhāmoshiyoñ ko izn-e-takallum jahāñ mile

    vo bazm aur vo halqa-e-ahbāb chāhiye

    lamha-ba-lamha lagte raheñ zaḳhm be-shumār

    halqa-ba-halqa ik nayā girdāb chāhiye

    dil meñ kisī ke ġham kamāneñ tanī raheñ

    chehra magar ba-hālat-e-shādāb chāhiye

    ai yād-e-yār abr sūrat kabhī baras

    dariyā-e-dil ko dard sailāb chāhiye

    gahre samundaroñ ke safar se patā chalā

    jiinā ba-shakl-e-mauj tah-e-āb chāhiye

    us shahryār-e-husn se kam-kam karo ḳhitāb

    'ashfāq' ishq meñ had-e-ādāb chāhiye

    is zindagi mein kuchh to tab-o-tab chahiye

    aankhon ko roz ek naya KHwab chahiye

    is shahr-e-be-misal ki galiyon ke sath sath

    sar par rida-e-anjum-o-mahtab chahiye

    KHamoshiyon ko izn-e-takallum jahan mile

    wo bazm aur wo halqa-e-ahbab chahiye

    lamha-ba-lamha lagte rahen zaKHm be-shumar

    halqa-ba-halqa ek naya girdab chahiye

    dil mein kisi ke gham ki kamanen tani rahen

    chehra magar ba-haalat-e-shadab chahiye

    ai yaad-e-yar abr ki surat kabhi baras

    dariya-e-dil ko dard ka sailab chahiye

    gahre samundaron ke safar se pata chala

    jina ba-shakl-e-mauj tah-e-ab chahiye

    us shahryar-e-husn se kam-kam karo KHitab

    'ashfaq' ishq mein had-e-adab chahiye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY