ishq aur intizar tauba hai

ishq aur intizār tauba hai

dard vo hai ki yaar tauba hai

dil ke sahrā kī ḳhushk dhartī par

is qadar hai ġhubār tauba hai

kaisī kaisī haiñ ḳhvāhisheñ terī

ai dil-e-be-qarār tauba hai

be-gunāhī kā jurm le aayā

phir hameñ sū-e-dār tauba hai

ab to kachchā ghaḌā bhī paas nahīñ

aur jaanā hai paar tauba hai

zard kaliyāñ khulī haiñ shāḳhoñ par

hai ḳhizāñ yā bahār tauba hai

pyaar kī pe se jo nahīñ vāqif

vo bhī karte haiñ pyaar tauba hai

ishq aur intizar tauba hai

dard wo hai ki yar tauba hai

dil ke sahra ki KHushk dharti par

is qadar hai ghubar tauba hai

kaisi kaisi hain KHwahishen teri

ai dil-e-be-qarar tauba hai

be-gunahi ka jurm le aaya

phir hamein su-e-dar tauba hai

ab to kachcha ghaDa bhi pas nahin

aur jaana hai par tauba hai

zard kaliyan khuli hain shaKHon par

hai KHizan ya bahaar tauba hai

pyar ki pe se jo nahin waqif

wo bhi karte hain pyar tauba hai