ishq aur ishq-e-shoala-war ki aag

ishq aur ishq-e-sho.ala-var kī aag

aag aur ulfat-e-bashar kī aag

jis ko kahte haiñ barq-e-ālam-soz

hai vo kāfir tirī nazar kī aag

hā.e-re terī garmi-e-raftār

ḳhaak tak bhī hai rahguzar kī aag

lo shab-e-vasl bhī tamām huī

āsmāñ ko lagī sahar kī aag

ishq kyā shai hai husn hai kyā chiiz

kuchh idhar kī hai kuchh udhar kī aag

tūr-e-sīnā banā diyā dil ko

uf-re kāfir tirī nazar kī aag

haqq-ta.ālā bachā.e is se 'zahīr'

qahr hai ulfat-e-bashar kī aag

ishq aur ishq-e-shoala-war ki aag

aag aur ulfat-e-bashar ki aag

jis ko kahte hain barq-e-alam-soz

hai wo kafir teri nazar ki aag

hae-re teri garmi-e-raftar

KHak tak bhi hai rahguzar ki aag

lo shab-e-wasl bhi tamam hui

aasman ko lagi sahar ki aag

ishq kya shai hai husn hai kya chiz

kuchh idhar ki hai kuchh udhar ki aag

tur-e-sina bana diya dil ko

uf-re kafir teri nazar ki aag

haqq-taala bachae is se 'zahir'

qahr hai ulfat-e-bashar ki aag