ishq-e-la-mahdud jab tak rahnuma hota nahin

Jigar Moradabadi

ishq-e-la-mahdud jab tak rahnuma hota nahin

Jigar Moradabadi

MORE BYJigar Moradabadi

    ishq-e-lā-mahdūd jab tak rahnumā hotā nahīñ

    zindagī se zindagī haq adā hotā nahīñ

    be-karāñ hotā nahīñ be-intihā hotā nahīñ

    qatra jab tak baḌh ke qulzum-āshnā hotā nahīñ

    us se baḌh kar dost koī dūsrā hotā nahīñ

    sab judā ho jaa.eñ lekin ġham judā hotā nahīñ

    zindagī ik hādsa hai aur kaisā hādsa

    maut se bhī ḳhatm jis silsila hotā nahīñ

    kaun ye nāseh ko samjhā.e ba-tarz-e-dil-nashīñ

    ishq sādiq ho to ġham bhī be-mazā hotā nahīñ

    dard se māmūr hotī rahī hai kā.enāt

    ik dil-e-insāñ magar dard-āshnā hotā nahīñ

    mere arz-e-ġham pe vo kahnā kisī haa.e haa.e

    shikva-e-ġham sheva-e-ahl-e-vafā hotā nahīñ

    us maqām-e-qarb tak ab ishq pahuñchā jahāñ

    dīda-o-dil bhī aksar vāstā hotā nahīñ

    har qadam ke saath manzil lekin is kyā ilaaj

    ishq kam-baḳht manzil-āshnā hotā nahīñ

    allāh allāh ye kamāl aur irtibāt-e-husn-o-ishq

    fāsle hoñ laakh dil se dil judā hotā nahīñ

    kyā qayāmat hai ki is daur-e-taraqqī meñ 'jigar'

    aadmī se aadmī haq adā hotā nahīñ

    ishq-e-la-mahdud jab tak rahnuma hota nahin

    zindagi se zindagi ka haq ada hota nahin

    be-karan hota nahin be-intiha hota nahin

    qatra jab tak baDh ke qulzum-ashna hota nahin

    us se baDh kar dost koi dusra hota nahin

    sab juda ho jaen lekin gham juda hota nahin

    zindagi ek hadsa hai aur kaisa hadsa

    maut se bhi KHatm jis ka silsila hota nahin

    kaun ye naseh ko samjhae ba-tarz-e-dil-nashin

    ishq sadiq ho to gham bhi be-maza hota nahin

    dard se mamur hoti ja rahi hai kaenat

    ek dil-e-insan magar dard-ashna hota nahin

    mere arz-e-gham pe wo kahna kisi ka hae hae

    shikwa-e-gham shewa-e-ahl-e-wafa hota nahin

    us maqam-e-qarb tak ab ishq pahuncha hi jahan

    dida-o-dil ka bhi aksar wasta hota nahin

    har qadam ke sath manzil lekin is ka kya ilaj

    ishq hi kam-baKHt manzil-ashna hota nahin

    allah allah ye kamal aur irtibaat-e-husn-o-ishq

    fasle hon lakh dil se dil juda hota nahin

    kya qayamat hai ki is daur-e-taraqqi mein 'jigar'

    aadmi se aadmi ka haq ada hota nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY