ishq hamare KHayal paDa hai KHwab gai aaram gaya

Meer Taqi Meer

ishq hamare KHayal paDa hai KHwab gai aaram gaya

Meer Taqi Meer

MORE BYMeer Taqi Meer

    ishq hamāre ḳhayāl paḌā hai ḳhvāb ga.ī ārām gayā

    jaanā Thahar rahā hai sub.h gayā shaam gayā

    ishq kiyā so diin gayā īmān gayā islām gayā

    dil ne aisā kaam kiyā kuchh jis se maiñ nākām gayā

    kis kis apnī kal ko rove hijrāñ meñ bekal us

    ḳhvāb ga.ī hai taab ga.ī hai chain gayā ārām gayā

    aayā yaañ se jaanā to chhupānā kyā hāsil

    aaj gayā kal jāvegā sub.h gayā shaam gayā

    haa.e javānī kyā kyā kahiye shor saroñ meñ rakhte the

    ab kyā hai vo ahd gayā vo mausam vo hañgām gayā

    gaalī jhiḌkī ḳhashm-o-ḳhushūnat ye to sar-e-dast aksar haiñ

    lutf gayā ehsān gayā in.aam gayā ikrām gayā

    likhnā kahnā tark huā thā aapas meñ to muddat se

    ab jo qarār kiyā hai dil se ḳhat bhī gayā paiġhām gayā

    nāla-e-'mīr' savād meñ ham tak doshīñ shab se nahīñ aayā

    shāyad shahr se us zālim ke āshiq vo badnām gayā

    ishq hamare KHayal paDa hai KHwab gai aaram gaya

    ji ka jaana Thahar raha hai subh gaya ya sham gaya

    ishq kiya so din gaya iman gaya islam gaya

    dil ne aisa kaam kiya kuchh jis se main nakaam gaya

    kis kis apni kal ko rowe hijran mein bekal us ka

    KHwab gai hai tab gai hai chain gaya aaram gaya

    aaya yan se jaana hi to ji ka chhupana kya hasil

    aaj gaya ya kal jawega subh gaya ya sham gaya

    hae jawani kya kya kahiye shor saron mein rakhte the

    ab kya hai wo ahd gaya wo mausam wo hangam gaya

    gali jhiDki KHashm-o-KHushunat ye to sar-e-dast aksar hain

    lutf gaya ehsan gaya inam gaya ikram gaya

    likhna kahna tark hua tha aapas mein to muddat se

    ab jo qarar kiya hai dil se KHat bhi gaya paigham gaya

    nala-e-'mir' sawad mein hum tak doshin shab se nahin aaya

    shayad shahr se us zalim ke aashiq wo badnam gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY