ishq ka khel ba-har-haal gawara hota

ishq kā khel ba-har-hāl gavārā hotā

tum na hote to koī aur hamārā hotā

ḳhuub chamkā thā sar-e-arsh magar Duub gayā

kaash sūraj ko bhī tinke kā sahārā hotā

paal hī rakkhī thī jab daulat-e-duniyā kī havas

kaise phir sabr-o-qanā.at pe guzāra hotā

us ko maiñ hijr kā unvān banā kar paḌhtā

nāma-e-ishq meñ halkā sā ishāra hotā

kaise aadam yahāñ iblīs bhī sajde kartā

nā.eb-allāh kā gar jag meñ ijāra hotā

tañg-dāmāñ hī sahī dil to kushāda rakhtā

bahtā dariyā na sahī kaash kināra hotā

is bahāne se maiñ kuchh ḳhvāb sunahre kartā

kam se kam shahr meñ tum sā koī pyārā hotā

phir yahāñ sab hī mire chāhne vaale nikle

is bhare shahr meñ koī to hamārā hotā

ek ik kar ke sabhī chhoḌ chale maqtal ko

aise hālāt meñ qātil ko pukārā hotā

bah ga.e ham bhī bilā-vaj.h anā kī rau meñ

aur kuchh din tire kūche meñ guzāra hotā

ishq ka khel ba-har-haal gawara hota

tum na hote to koi aur hamara hota

KHub chamka tha sar-e-arsh magar Dub gaya

kash suraj ko bhi tinke ka sahaara hota

pal hi rakkhi thi jab daulat-e-duniya ki hawas

kaise phir sabr-o-qanaat pe guzara hota

us ko main hijr ka unwan bana kar paDhta

nama-e-ishq mein halka sa ishaara hota

kaise aadam yahan iblis bhi sajde karta

naeb-allah ka gar jag mein ijara hota

tang-daman hi sahi dil to kushada rakhta

bahta dariya na sahi kash kinara hota

is bahane se main kuchh KHwab sunahre karta

kam se kam shahr mein tum sa koi pyara hota

phir yahan sab hi mere chahne wale nikle

is bhare shahr mein koi to hamara hota

ek ek kar ke sabhi chhoD chale maqtal ko

aise haalat mein qatil ko pukara hota

bah gae hum bhi bila-wajh ana ki rau mein

aur kuchh din tere kuche mein guzara hota