ishq ka koi KHair-KHwah to hai
ishq kā koī ḳhair-ḳhvāh to hai
tū nahīñ hai tirī nigāh to hai
arz-e-ġham kyuuñ na un se kar dekhūñ
ab bhī thoḌī sī rasm-o-rāh to hai
zindagī ik siyāh raat sahī
āshiqī ik charāġh-e-rāh to hai
roz-o-shab kī haqīqateñ ma.alūm
ik tamāshā-e-mehr-o-māh to hai
tāb-e-jalva mujhe nahīñ na sahī
lekin ik jur.at-e-nigāh to hai
aur iqbāl-e-jurm kyā ho 'shakīl'
thartharāte laboñ pe aah to hai
ishq ka koi KHair-KHwah to hai
tu nahin hai teri nigah to hai
arz-e-gham kyun na un se kar dekhun
ab bhi thoDi si rasm-o-rah to hai
zindagi ek siyah raat sahi
aashiqi ek charagh-e-rah to hai
roz-o-shab ki haqiqaten malum
ek tamasha-e-mehr-o-mah to hai
tab-e-jalwa mujhe nahin na sahi
lekin ek jurat-e-nigah to hai
aur iqbaal-e-jurm kya ho 'shakil'
thartharaate labon pe aah to hai
Source:
Kulliyat-e-Shakiil Badaayuuni (Pg. 734)
- Author: Shakiil Badaayuuni
-
- Publisher: Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
