ishq ka naghma junun ke saz par gate hain hum

Ali Sardar Jafri

ishq ka naghma junun ke saz par gate hain hum

Ali Sardar Jafri

MORE BYAli Sardar Jafri

    ishq naġhma junūñ ke saaz par gaate haiñ ham

    apne ġham aañch se patthar ko pighlāte haiñ ham

    jaag uThte haiñ to suulī par bhī niiñd aatī nahīñ

    vaqt paḌ jaa.e to añgāroñ pe so jaate haiñ ham

    zindagī ko ham se baḌh kar kaun kar saktā hai pyaar

    aur agar marne pe aa jaa.eñ to mar jaate haiñ ham

    dafn ho kar ḳhaak meñ bhī dafn rah sakte nahīñ

    lāla-o-gul ban ke vīrānoñ pe chhā jaate haiñ ham

    ham ki karte haiñ chaman meñ ehtimām-e-rañg-o-bū

    rū-e-getī se naqāb-e-husn sarkāte haiñ ham

    aks paḌte sañvar jaate haiñ chehre ke nuqūsh

    shāhid-e-hastī ko yuuñ ā.īna dikhlāte haiñ ham

    mai-kashoñ ko muzhda sadiyoñ ke pyāsoñ ko naved

    apnī mahfil apnā saaqī le ke ab aate haiñ ham

    ishq ka naghma junun ke saz par gate hain hum

    apne gham ki aanch se patthar ko pighlate hain hum

    jag uThte hain to suli par bhi nind aati nahin

    waqt paD jae to angaron pe so jate hain hum

    zindagi ko hum se baDh kar kaun kar sakta hai pyar

    aur agar marne pe aa jaen to mar jate hain hum

    dafn ho kar KHak mein bhi dafn rah sakte nahin

    lala-o-gul ban ke viranon pe chha jate hain hum

    hum ki karte hain chaman mein ehtimam-e-rang-o-bu

    ru-e-geti se naqab-e-husn sarkate hain hum

    aks paDte hi sanwar jate hain chehre ke nuqush

    shahid-e-hasti ko yun aaina dikhlate hain hum

    mai-kashon ko muzhda sadiyon ke pyason ko nawed

    apni mahfil apna saqi le ke ab aate hain hum

    Source :
    • Book : Kulliyat-e-Ali Sardar Jafri Vol.II (Pg. 150)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now