ishq ke gham-gusar hain hum log

ishq ke ġham-gusār haiñ ham log

husn ke rāzdār haiñ ham log

dast-e-qudrat ko naaz hai ham par

vaqt ke shāhkār haiñ ham log

ham se qaa.em hai gulistāñ kā bharam

ābrū-e-bahār haiñ ham log

manzileñ haiñ hamāre qadmoñ meñ

hāsil-e-rah-guzār haiñ ham log

ham se tanzīm hai zamāne kī

mehvar-e-rozgār haiñ ham log

ham jo chāheñge ab vahī hogā

sāhab-e-iḳhtiyār haiñ ham log

ham se raushan hai kā.enāt 'shakeb'

asl-e-lail-o-nahār haiñ ham log

ishq ke gham-gusar hain hum log

husn ke raazdar hain hum log

dast-e-qudrat ko naz hai hum par

waqt ke shahkar hain hum log

hum se qaem hai gulistan ka bharam

aabru-e-bahaar hain hum log

manzilen hain hamare qadmon mein

hasil-e-rah-guzar hain hum log

hum se tanzim hai zamane ki

mehwar-e-rozgar hain hum log

hum jo chahenge ab wahi hoga

sahab-e-iKHtiyar hain hum log

hum se raushan hai kaenat 'shakeb'

asl-e-lail-o-nahaar hain hum log