ishq ke hathon ye sari aalam-arai hui

Hafeez Jalandhari

ishq ke hathon ye sari aalam-arai hui

Hafeez Jalandhari

MORE BY Hafeez Jalandhari

    ishq ke hāthoñ ye saarī ālam-ārā.ī huī

    ishq ke hāthoñ qayāmat bhī hai ab aa.ī huī

    allāh allāh kyā huā anjām-kār-e-ārzū

    tauba tauba kis qadar hañgāma-ārā.ī huī

    kyā hai merā hāsil-e-gul-chīnī-e-bāġh-e-jamāl

    aarzū chand kaliyāñ vo bhī murjhā.ī huī

    chhoḌ bhī ye silsila o nā-murād-e-intizār

    maut baiThī hai tere bālīñ ye uktā.ī huī

    shahr-e-māyūsī meñ ik chhoTī ummīd-e-visāl

    ajnabī shakl meñ phirtī hai ghabrā.ī huī

    kar liyā hai aqd urdu-e-muallā se 'hafīz'

    qil.a-e-dehlī se aa.ī thī ye Thukrā.ī huī

    ishq ke hathon ye sari aalam-arai hui

    ishq ke hathon qayamat bhi hai ab aai hui

    allah allah kya hua anjam-kar-e-arzu

    tauba tauba kis qadar hangama-arai hui

    kya hai mera hasil-e-gul-chini-e-bagh-e-jamal

    aarzu ki chand kaliyan wo bhi murjhai hui

    chhoD bhi ye silsila o na-murad-e-intizar

    maut baiThi hai tere baalin ye uktai hui

    shahr-e-mayusi mein ek chhoTi si ummid-e-visal

    ajnabi ki shakl mein phirti hai ghabrai hui

    kar liya hai aqd urdu-e-mualla se 'hafiz'

    qila-e-dehli se aai thi ye Thukrai hui

    Source:

    • Book: Kulliyat-e-Hafeez Jalandhari (Pg. 123)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites