ishq ki rah pe chalna rawish-e-am hai ye

ishq kī raah pe chalnā ravish-e-ām hai ye

dekhtā kaun hai āġhāz ki anjām hai ye

zindagī kā koī rasta na koī maut kā ruḳh

kaun se moḌ pe ab gardish-e-ayyām hai ye

ḳhuun kī tum ne adā ḳhuun kī qīmat mere

ġhaur kiije to pasīne kā nahīñ daam hai ye

tum chale aa.e ho ik jhūTī tasallī dene

saare dukh-dard sahī ek to ārām hai ye

husn-e-mahbūb pe jī jaan se qurbāñ honā

qismat-e-ishq meñ bas ek hasīñ kaam hai ye

kal jo kahte the ġhanī aaj gadā kahte haiñ

ik mirā naam thā vo ek mirā naam hai ye

kaun aayā hai 'malik' aaj ujālā ban kar

kis kī aamad mere āñgan meñ sar-e-shām hai ye

ishq ki rah pe chalna rawish-e-am hai ye

dekhta kaun hai aaghaz ki anjam hai ye

zindagi ka koi rasta na koi maut ka ruKH

kaun se moD pe ab gardish-e-ayyam hai ye

KHun ki tum ne ada KHun ki qimat mere

ghaur kije to pasine ka nahin dam hai ye

tum chale aae ho ek jhuTi tasalli dene

sare dukh-dard sahi ek to aaram hai ye

husn-e-mahbub pe ji jaan se qurban hona

qismat-e-ishq mein bas ek hasin kaam hai ye

kal jo kahte the ghani aaj gada kahte hain

ek mera nam tha wo ek mera nam hai ye

kaun aaya hai 'malik' aaj ujala ban kar

kis ki aamad mere aangan mein sar-e-sham hai ye