ishq ki sari baaten ai dil pagal-pan ki baaten hain

ishq kī saarī bāteñ ai dil pāgal-pan kī bāteñ haiñ

zulf-e-siyah ke saa.e meñ bhī dār-o-rasan kī bāteñ haiñ

vīrānoñ meñ jā ke dekho kaise kaise phuul khile haiñ

dīvānoñ ke hoñToñ par ab sarv o saman kī bāteñ haiñ

kal tak apne ḳhuun ke aañsū miTTī meñ mil jaate the

aaj usī miTTī se paidā nazm-e-chaman kī bāteñ haiñ

Thokar khāte phirte haiñ ik sub.h yahāñ ik shaam vahāñ

āvāra kī saarī bāteñ koh-o-daman kī bāteñ haiñ

dekheñ kab kirneñ ubhareñgī dekheñ kab taare Dūbeñge

hijr kī shab meñ ab tak yaaro sub.h-e-vatan kī bāteñ haiñ

ishq ki sari baaten ai dil pagal-pan ki baaten hain

zulf-e-siyah ke sae mein bhi dar-o-rasan ki baaten hain

viranon mein ja ke dekho kaise kaise phul khile hain

diwanon ke honTon par ab sarw o saman ki baaten hain

kal tak apne KHun ke aansu miTTi mein mil jate the

aaj usi miTTi se paida nazm-e-chaman ki baaten hain

Thokar khate phirte hain ek subh yahan ek sham wahan

aawara ki sari baaten koh-o-daman ki baaten hain

dekhen kab kirnen ubharengi dekhen kab tare Dubenge

hijr ki shab mein ab tak yaro subh-e-watan ki baaten hain