ishq ki umr jab uchhaal ki thi

ishq kī umr jab uchhāl kī thī

kyuuñ tamannā tujhe zavāl kī thī

do-Takā thā mire javāb kā mol

dhuum har sū tire savāl kī thī

dil jo TuuTā to yaad aayā hameñ

chiiz ye kitne dekh-bhāl kī thī

thā baḌā hijr kā malāl magar

kyā karūñ baat hī malāl kī thī

achchhe din vo bhī ab miyāñ jaao

ye kahānī to pichhle saal kī thī

saath le aayā apne ḳhāmoshī

aarzū jis ko bol chaal kī thī

manzil-e-marg pā ke ḳhatm huī

uf ke dushvāriyāñ bhī haal kī thī

ham the maġhrūr naujavāñ 'āfī'

kuchh akaḌ un meñ bhī jamāl kī thī

ishq ki umr jab uchhaal ki thi

kyun tamanna tujhe zawal ki thi

do-Taka tha mere jawab ka mol

dhum har su tere sawal ki thi

dil jo TuTa to yaad aaya hamein

chiz ye kitne dekh-bhaal ki thi

tha baDa hijr ka malal magar

kya karun baat hi malal ki thi

achchhe din wo bhi ab miyan jao

ye kahani to pichhle sal ki thi

sath le aaya apne KHamoshi

aarzu jis ko bol chaal ki thi

manzil-e-marg pa ke KHatm hui

uf ke dushwariyan bhi haal ki thi

hum the maghrur naujawan 'afi'

kuchh akaD un mein bhi jamal ki thi