ishq ko jab husn se nazren milana aa gaya

Asad Bhopali

ishq ko jab husn se nazren milana aa gaya

Asad Bhopali

MORE BYAsad Bhopali

    ishq ko jab husn se nazreñ milānā aa gayā

    ḳhud-ba-ḳhud ghabrā ke qadmoñ meñ zamāna aa gayā

    jab ḳhayāl-e-yār dil meñ vālehāna aa gayā

    lauT kar guzrā huā kāfir zamāna aa gayā

    ḳhushk āñkheñ phīkī phīkī hañsī nazroñ meñ yaas

    koī dekhe ab mujhe aañsū bahānā aa gayā

    ġhuncha o gul maah o anjum sab ke sab bekār the

    aap kyā aa.e ki phir mausam suhānā aa gayā

    maiñ bhī dekhūñ ab tirā zauq-e-junūn-e-bandagī

    le jabīn-e-shauq un āstāna aa gayā

    husn-e-kāfir ho gayā āmāda-e-tark-e-jafā

    phir 'asad' merī tabāhī zamāna aa gayā

    ishq ko jab husn se nazren milana aa gaya

    KHud-ba-KHud ghabra ke qadmon mein zamana aa gaya

    jab KHayal-e-yar dil mein walehana aa gaya

    lauT kar guzra hua kafir zamana aa gaya

    KHushk aankhen phiki phiki si hansi nazron mein yas

    koi dekhe ab mujhe aansu bahana aa gaya

    ghuncha o gul mah o anjum sab ke sab bekar the

    aap kya aae ki phir mausam suhana aa gaya

    main bhi dekhun ab tera zauq-e-junun-e-bandagi

    le jabin-e-shauq un ka aastana aa gaya

    husn-e-kafir ho gaya aamada-e-tark-e-jafa

    phir 'asad' meri tabahi ka zamana aa gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY