ishq mein be-naqab hain hum log

ishq meñ be-naqāb haiñ ham log

aap apnā javāb haiñ ham log

ham ko sabr-o-sukūñ se kyā nisbat

ḳhūgar-e-iztirāb haiñ ham log

jin se qaa.em hai zindagī kā jamāl

vo sarāpā shabāb haiñ ham log

nazm-e-duniyā badal diyā ham ne

kis qadar kāmyāb haiñ ham log

ham pe tārīḳh-e-asr nāzāñ hai

bānī-e-inqalāb haiñ ham log

husn aur ishq kī hikāyat kā

ek rangīn baab haiñ ham log

ham pe īmān laa.eñ ahl-e-jahāñ

āsmānī kitāb haiñ ham log

sub.h-e-mahshar hai aañkh kā khulnā

rahne do mahv-e-ḳhvāb haiñ ham log

rāz-e-fitrat jo kholte haiñ 'bahār'

haañ vo hikmat-ma.āb haiñ ham log

ishq mein be-naqab hain hum log

aap apna jawab hain hum log

hum ko sabr-o-sukun se kya nisbat

KHugar-e-iztirab hain hum log

jin se qaem hai zindagi ka jamal

wo sarapa shabab hain hum log

nazm-e-duniya badal diya hum ne

kis qadar kaamyab hain hum log

hum pe tariKH-e-asr nazan hai

bani-e-inqalab hain hum log

husn aur ishq ki hikayat ka

ek rangin bab hain hum log

hum pe iman laen ahl-e-jahan

aasmani kitab hain hum log

subh-e-mahshar hai aankh ka khulna

rahne do mahw-e-KHwab hain hum log

raaz-e-fitrat jo kholte hain 'bahaar'

han wo hikmat-maab hain hum log