ishq mein jaan se guzarne ko

'ishq meñ jaan se guzarne ko

ik hamīñ rah ga.e haiñ marne ko

maiñ tumhārī adāoñ ke sadqe

kabhī bigḌoge bhī sañvarne ko

kaun kā'be se bhī sivā hai buland

jhuk rahā huuñ salām karne ko

dil bikharne pe kyuuñ ye maa.il hai

rang kis kā hai ye nikharne ko

hai 'munavvar' gunāh phir bhī savāb

Dar rahe haiñ ḳhudā se Darne ko

'ishq mein jaan se guzarne ko

ek hamin rah gae hain marne ko

main tumhaari adaon ke sadqe

kabhi bigDoge bhi sanwarne ko

kaun ka'be se bhi siwa hai buland

jhuk raha hun salam karne ko

dil bikharne pe kyun ye mail hai

rang kis ka hai ye nikharne ko

hai 'munawwar' gunah phir bhi sawab

Dar rahe hain KHuda se Darne ko