ishq mein jo nahin barbaad wo ranjha kya hai

ishq meñ jo nahīñ barbād vo rāñjhā kyā hai

naav Duubī na kabhī jis meñ vo dariyā kyā hai

is haqīqat kī taraf aur dikhānā kyā hai

tiis ke chāñd meñ ai dosto rakkhā kyā hai

pheñk kar dekh lo sikka kabhī ik chāñdī kā

jaal meñ aadmī phañstā hai parinda kyā hai

chhat se pheñkī huī laḌkī se ye kyā pūchhte ho

ham se pūchho ki ye miTTī kā khilaunā kyā hai

un ke jalvoñ kī numā.ish meñ hai ab taab kise

TuuT jaate haiñ jo patthar ke haiñ shīsha kyā hai

ḳhud ko samjhāyā akele meñ bahut ye kah kar

jis meñ kho jaa.e na apnā koī mela kyā hai

ḳhuun qānūn namak zahr halāhal ke sivā

aap batlā.iye is shahr meñ sastā kyā hai

ishq mein jo nahin barbaad wo ranjha kya hai

naw Dubi na kabhi jis mein wo dariya kya hai

is haqiqat ki taraf aur dikhana kya hai

tis ke chand mein ai dosto rakkha kya hai

phenk kar dekh lo sikka kabhi ek chandi ka

jal mein aadmi phansta hai parinda kya hai

chhat se phenki hui laDki se ye kya puchhte ho

hum se puchho ki ye miTTi ka khilauna kya hai

un ke jalwon ki numaish mein hai ab tab kise

TuT jate hain jo patthar ke hain shisha kya hai

KHud ko samjhaya akele mein bahut ye kah kar

jis mein kho jae na apna koi mela kya hai

KHun qanun namak zahr halahal ke siwa

aap batlaiye is shahr mein sasta kya hai