ishq mein KHud-sari nahin hoti

Waqar Bijnori

ishq mein KHud-sari nahin hoti

Waqar Bijnori

MORE BYWaqar Bijnori

    ishq meñ ḳhud-sarī nahīñ hotī

    husn meñ bandagī nahīñ hotī

    nāvak-afgan batā to de āḳhir

    dard meñ kyuuñ kamī nahīñ hotī

    rāz-e-ulfat kahāñ chhupā.eñ ham

    dil se bhī dushmanī nahīñ hotī

    vo mohabbat bhī kyā mohabbat hai

    jis meñ dīvāngī nahīñ hotī

    aah kar ke bhī ham ne dekh liyā

    soz-e-ġham meñ kamī nahīñ hotī

    mast āñkhoñ se pilā saaqī

    jaam se be-ḳhudī nahīñ hotī

    jab kabhī sāmne vo aate haiñ

    ham se ik baat bhī nahīñ hotī

    kyā kareñ aise ġham ko ham le kar

    jis meñ un ḳhushī nahīñ hotī

    kaisī taqdīr hai hamārī 'vaqār'

    ġham ġham haiñ ḳhushī nahīñ hotī

    ishq mein KHud-sari nahin hoti

    husn mein bandagi nahin hoti

    nawak-afgan bata to de aaKHir

    dard mein kyun kami nahin hoti

    raaz-e-ulfat kahan chhupaen hum

    dil se bhi dushmani nahin hoti

    wo mohabbat bhi kya mohabbat hai

    jis mein diwangi nahin hoti

    aah kar ke bhi hum ne dekh liya

    soz-e-gham mein kami nahin hoti

    mast aankhon hi se pila saqi

    jam se be-KHudi nahin hoti

    jab kabhi samne wo aate hain

    hum se ek baat bhi nahin hoti

    kya karen aise gham ko hum le kar

    jis mein un ki KHushi nahin hoti

    kaisi taqdir hai hamari 'waqar'

    gham hi gham hain KHushi nahin hoti

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY