ishq mein kya kya mere junun ki ki na burai logo ne

ishq meñ kyā kyā mere junūñ kī kī na burā.ī logo ne

kuchh tum ne badnām kiyā kuchh aag lagā.īñ logo ne

mere lahū ke rang se chamkī mehñdī kitne hāthoñ par

shahr meñ jis din qatl huā maiñ eid manā.ī logo ne

ham hī un ko baam pe laa.e aur ham hī mahrūm rahe

parda apne naam se uTThā aañkh milā.ī logoñ ne

logoñ kā bhī ehsān hai ham par ham tere bhī shukr-guzār

terī nazar ne maarā ham ko laash uThā.ī logo ne

logoñ ne armān nikāle hameñ hī bigḌī raas na aa.ī

ham ko 'zafar' kal shaiḳh samajh kar ḳhuub pilā.ī logoñ ne

ishq mein kya kya mere junun ki ki na burai logo ne

kuchh tum ne badnam kiya kuchh aag lagain logo ne

mere lahu ke rang se chamki mehndi kitne hathon par

shahr mein jis din qatl hua main eid manai logo ne

hum hi un ko baam pe lae aur hum hi mahrum rahe

parda apne nam se uTTha aankh milai logon ne

logon ka bhi ehsan hai hum par hum tere bhi shukr-guzar

teri nazar ne mara hum ko lash uThai logo ne

logon ne arman nikale hamein hi bigDi ras na aai

hum ko 'zafar' kal shaiKH samajh kar KHub pilai logon ne