aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ishq ne daera bana rakkha

Jina Quraishi

ishq ne daera bana rakkha

Jina Quraishi

MORE BYJina Quraishi

    ishq ne dā.era banā rakkhā

    raqs meñ phir mujhe sadā rakkhā

    nīm-ḳhvābīda us āñkhoñ pe

    hosh vāloñ ne sab luTā rakkhā

    ḳhāna-e-dil meñ dhaḌkanoñ ne sadā

    vird bas ilāha rakkhā

    maiñ ne pūchhā jo apne baare meñ

    us ne phūloñ meñ aa.ina rakkhā

    diip rakkhe haiñ chaar samtoñ meñ

    pāñchveñ dar pe dil jalā rakkhā

    ham ne tā-umr terī rāhoñ meñ

    farsh-e-dil aur jaañ bichhā rakkhā

    ishq meñ āshnā parastoñ ne

    ik sanam ek ḳhudā rakkhā

    vaqt-e-ruḳhsat thā mujh meñ bain magar

    qahqahe ne bharam mirā rakkhā

    sañg-bārī meñ vo bhī shāmil thā

    taḳht par jis ko thā biThā rakkhā

    niilā paḌne lagā badan merā

    āstīñ meñ ye ne kyā rakkhā

    phir thakī haarī ek ḳhvāhish ne

    zānū-e-shab pe sar ko rakkhā

    us pe martī jo na to kyā kartī

    jis ne apnā mujhe sadā rakkhā

    ham bhī tasvīr se nikal aa.e

    us ne bhī bāzūoñ ko rakkhā

    ruuh be-qarārī par ne

    haath rakkhā ki mo.ajiza rakkhā

    kāsa-e-dil meñ ik savālī ne

    chuum kar ek naqsh-e-pā rakkhā

    mere mālik mehrbānī ne

    mujh pe tauba dar khulā rakkhā

    ek sūkhā huā shajar 'jīnā'

    ġham ne tere harā-bharā rakkhā

    ishq ne daera bana rakkha

    raqs mein phir mujhe sada rakkha

    nim-KHwabida us ki aankhon pe

    hosh walon ne sab luTa rakkha

    KHana-e-dil mein dhaDkanon ne sada

    wird bas la ilaha ka rakkha

    main ne puchha jo apne bare mein

    us ne phulon mein aaina rakkha

    dip rakkhe hain chaar samton mein

    panchwen dar pe dil jala rakkha

    hum ne ta-umr teri rahon mein

    farsh-e-dil aur jaan bichha rakkha

    ishq mein aashna paraston ne

    ek sanam ek hi KHuda rakkha

    waqt-e-ruKHsat tha mujh mein bain magar

    qahqahe ne bharam mera rakkha

    sang-bari mein wo bhi shamil tha

    taKHt par jis ko tha biTha rakkha

    nila paDne laga badan mera

    aastin mein ye tu ne kya rakkha

    phir thaki haari ek KHwahish ne

    zanu-e-shab pe sar ko ja rakkha

    us pe marti jo na to kya karti

    jis ne apna mujhe sada rakkha

    hum bhi taswir se nikal aae

    us ne bhi bazuon ko wa rakkha

    ruh ki be-qarari par tu ne

    hath rakkha ki moajiza rakkha

    kasa-e-dil mein ek sawali ne

    chum kar ek naqsh-e-pa rakkha

    mere malik ki mehrbani ne

    mujh pe tauba ka dar khula rakkha

    ek sukha hua shajar 'jina'

    gham ne tere hara-bhara rakkha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now