ishq ne mere jise alqab ka daftar diya

ishq ne mere jise alqāb kā daftar diyā

us ne sone ko mujhe kāñToñ bharā bistar diyā

merī tahrīroñ se ḳhā.if ho ke phir aġhyār ne

rañg koī aur afsānoñ meñ mere bhar diyā

tere āñgan se utartī chāñdnī ne ab talak

ḳhauf baḳhshā siskiyāñ diiñ aur mujh ko Dar diyā

jā tirī jholī meñ maiñ ne apnī ḳhushiyāñ Daal diiñ

jā tire dāman ko ummīdoñ se maiñ ne bhar diyā

terī chāhat kā bharam rakhne kā saudā sar meñ thā

ham ne apnā ghar diyā phir zar diyā phir sar diyā

jab hunar us kī mohabbat kā khulā mujh par 'sabīn'

qaid us ne ghar kī dīvāroñ meñ mujh ko kar diyā

ishq ne mere jise alqab ka daftar diya

us ne sone ko mujhe kanTon bhara bistar diya

meri tahriron se KHaif ho ke phir aghyar ne

rang koi aur afsanon mein mere bhar diya

tere aangan se utarti chandni ne ab talak

KHauf baKHsha siskiyan din aur mujh ko Dar diya

ja teri jholi mein main ne apni KHushiyan Dal din

ja tere daman ko ummidon se main ne bhar diya

teri chahat ka bharam rakhne ka sauda sar mein tha

hum ne apna ghar diya phir zar diya phir sar diya

jab hunar us ki mohabbat ka khula mujh par 'sabin'

qaid us ne ghar ki diwaron mein mujh ko kar diya