ishq phir ishq hai aashufta-sari mange hai

Unwan Chishti

ishq phir ishq hai aashufta-sari mange hai

Unwan Chishti

MORE BY Unwan Chishti

    ishq phir ishq hai āshufta-sarī māñge hai

    hosh ke daur meñ bhī jāma-darī māñge hai

    haa.e āġhāz-e-mohabbat meñ vo ḳhvāboñ ke tilism

    zindagī phir vahī ā.īna-garī māñge hai

    dil jalāne pe bahut tanz na kar ai nādāñ

    shab-e-gesū bhī jamāl-e-saharī māñge hai

    maiñ vo āsūda-e-jalva huuñ ki terī ḳhātir

    har koī mujh se mirī ḳhush-nazarī māñge hai

    terī mahkī huī zulfoñ se ba-andāz-e-hasīñ

    jaane kyā chiiz nasīm-e-saharī māñge hai

    aap chāheñ to tasavvur bhī mujassam ho jaa.e

    zauq-e-āzar to na.ī jalvagarī māñge hai

    husn to nahīñ betāb-e-numā.ish 'unvāñ'

    ishq bhī aaj na.ī jalvagarī māñge hai

    ishq phir ishq hai aashufta-sari mange hai

    hosh ke daur mein bhi jama-dari mange hai

    hae aaghaz-e-mohabbat mein wo KHwabon ke tilism

    zindagi phir wahi aaina-gari mange hai

    dil jalane pe bahut tanz na kar ai nadan

    shab-e-gesu bhi jamal-e-sahari mange hai

    main wo aasuda-e-jalwa hun ki teri KHatir

    har koi mujh se meri KHush-nazari mange hai

    teri mahki hui zulfon se ba-andaz-e-hasin

    jaane kya chiz nasim-e-sahari mange hai

    aap chahen to tasawwur bhi mujassam ho jae

    zauq-e-azar to nai jalwagari mange hai

    husn hi to nahin betab-e-numaish 'unwan'

    ishq bhi aaj nai jalwagari mange hai

    RECITATIONS

    Nomaan Shauque

    Nomaan Shauque

    Nomaan Shauque

    ishq phir ishq hai aashufta-sari mange hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY