ishq phir rang wo laya hai ki ji jaane hai

Nazeer Akbarabadi

ishq phir rang wo laya hai ki ji jaane hai

Nazeer Akbarabadi

MORE BY Nazeer Akbarabadi

    ishq phir rañg vo laayā hai ki jaane hai

    dil ye rañg banāyā hai ki jaane hai

    naaz uThāne meñ jafā.eñ to uThā.īñ lekin

    lutf bhī aisā uThāyā hai ki jaane hai

    zaḳhm us teġh-e-nigah mire dil ne hañs kar

    is maze-dārī se khāyā hai ki jaane hai

    us duzdīda nigah ne mire dil meñ chhup kar

    tiir is Dhab se lagāyā hai ki jaane hai

    baam par chaḌh ke tamāshe ko hameñ husn apnā

    is tamāshe se dikhāyā hai ki jaane hai

    us furqat meñ hameñ charḳh-e-sitamgār ne aah

    ye rulāyā, ye rulāyā hai ki jaane hai

    hukm chuppī huā shab to sahar tak ham ne

    ratjagā aisā manāyā hai ki jaane hai

    talve sahlāne meñ go uuñgh ke jhuk jhuk to paḌe

    par mazā bhī vo uḌāyā hai ki jaane hai

    rañj milne ke bahut dil ne sahe lek 'nazīr'

    yaar bhī aisā milāyā hai ki jaane hai

    ishq phir rang wo laya hai ki ji jaane hai

    dil ka ye rang banaya hai ki ji jaane hai

    naz uThane mein jafaen to uThain lekin

    lutf bhi aisa uThaya hai ki ji jaane hai

    zaKHm us tegh-e-nigah ka mere dil ne hans kar

    is maze-dari se khaya hai ki ji jaane hai

    us ki duzdida nigah ne mere dil mein chhup kar

    tir is Dhab se lagaya hai ki ji jaane hai

    baam par chaDh ke tamashe ko hamein husn apna

    is tamashe se dikhaya hai ki ji jaane hai

    us ki furqat mein hamein charKH-e-sitamgar ne aah

    ye rulaya, ye rulaya hai ki ji jaane hai

    hukm chuppi ka hua shab to sahar tak hum ne

    ratjaga aisa manaya hai ki ji jaane hai

    talwe sahlane mein go ungh ke jhuk jhuk to paDe

    par maza bhi wo uDaya hai ki ji jaane hai

    ranj milne ke bahut dil ne sahe lek 'nazir'

    yar bhi aisa milaya hai ki ji jaane hai

    Source:

    • Book : Intekhab-e-Nazeer Akbarabadi (Pg. 225)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY