ishq se paidā navā-e-zindagī meñ zer-o-bam
ishq se miTTī kī tasvīroñ meñ soz-e-dam-ba-dam
aadmī ke reshe reshe meñ samā jaatā hai ishq
shāḳh-e-gul meñ jis tarah bād-e-sahar-gāhī kā nam
apne rāziq ko na pahchāne to muhtāj-e-mulūk
aur pahchāne to haiñ tere gadā daarā o jam
dil kī āzādī shahanshāhī shikam sāmān-e-maut
faisla terā tire hāthoñ meñ hai dil yā shikam
ai musalmāñ apne dil se pūchh mullā se na pūchh
ho gayā allāh ke bandoñ se kyuuñ ḳhālī haram
ishq se paida nawa-e-zindagi mein zer-o-bam
ishq se miTTi ki taswiron mein soz-e-dam-ba-dam
aadmi ke reshe reshe mein sama jata hai ishq
shaKH-e-gul mein jis tarah baad-e-sahar-gahi ka nam
apne raaziq ko na pahchane to muhtaj-e-muluk
aur pahchane to hain tere gada dara o jam
dil ki aazadi shahanshahi shikam saman-e-maut
faisla tera tere hathon mein hai dil ya shikam
ai musalman apne dil se puchh mulla se na puchh
ho gaya allah ke bandon se kyun KHali haram
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.