ishq tha aur aqidat se mila karte the

ishq thā aur aqīdat se milā karte the

pahle ham log mohabbat se milā karte the

roz hī saa.e bulāte the hameñ apnī taraf

roz ham dhuup kī shiddat se milā karte the

sirf rasta hī nahīñ dekh ke ḳhush hotā thā

dar-o-dīvār bhī hasrat se milā karte the

ab to milne ke liye vaqt nahīñ miltā hai

varna ham kitnī suhulat se milā karte the

ishq tha aur aqidat se mila karte the

pahle hum log mohabbat se mila karte the

roz hi sae bulate the hamein apni taraf

roz hum dhup ki shiddat se mila karte the

sirf rasta hi nahin dekh ke KHush hota tha

dar-o-diwar bhi hasrat se mila karte the

ab to milne ke liye waqt nahin milta hai

warna hum kitni suhulat se mila karte the