aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ishqi-sahib likhna hai to koi nai tahrir likho

Ilyas Ishqi

ishqi-sahib likhna hai to koi nai tahrir likho

Ilyas Ishqi

MORE BYIlyas Ishqi

    'ishqī'-sāhib likhnā hai to koī na.ī tahrīr likho

    ab tak tum ne ḳhvāb likhe ab ḳhvāboñ ta.abīr likho

    is uljhan ko suljhāne kaun hai tadbīr likho

    ishq agar hai jurm to mujrim rāñjhā hai hiir likho

    jahāñ bhī qasr-e-shīrīñ dekho 'ḳhusrov' jāgīr likho

    koh jahāñ haa.el huā us par ḳhuuñ se jū-e-shīr likho

    dasht se āzādī havā.eñ un ko bulāne aatī haiñ

    ahl-e-junūñ ko rokne vaalī kaun hai zanjīr likho

    shahr-e-suḳhan ke izzat-dāro kuchh to kisī paas karo

    koī to hogā jis ko āḳhir tum sāhib-e-tauqīr likho

    ham-vatanoñ ke dard darmāñ aisā kuchh dushvār nahīñ

    nām-e-vatan hai ism-e-āzam ḳhāk-e-vatan iksīr likho

    apnī kamandeñ pheñk ke jis ko qaid kiyā hai zulmat ne

    vo sūraj kab ubhregā kab phailegī tanvīr likho

    ...apne ahd saffākī par ye ḳhāmoshī tanz nahīñ

    koī to hogā is sabab kyuuñ baiThe ho dil-gīr likho

    jab tak sar se ḳhuuñ na bahegā koh-kanī hai ḳhaam ḳhayāl

    teshe ko ḳhallāq kaho patthar ko tasvīr likho

    Dhā de jo insān ke dil meñ rañg o nasl dīvāreñ

    koī to dastūr-e-mohabbat aisā ālamgīr likho

    har har daur ke likhne vaale hāshiye us ke likhte haiñ

    apne ahd meñ nusḳha-e-dil tum bhī koī tafsīr likho

    harf tāqat be-pāyāñ hai harf ke haiñ imkān bahut

    harf ko zinda karnā sīkho phir chāhe taqdīr likho

    dil par jis ke naqsh na ubhrīñ vo kyā abrū kaisī nazar

    kitnā tum tiir nazar ko abrū ko shamshīr likho

    raushan kaise hogā savād-e-harf jo ḳhūn-e-dil na jalā

    charba tum 'ġhālib' utāro chāhe ba-rañg-e-'mīr' likho

    apne dukhḌe likh likh kar dīvān to tum ne jam.a kiyā

    dil ko jo badle ab koī aisā sher-e-pur-tāsīr likho

    'ishqi'-sahib likhna hai to koi nai tahrir likho

    ab tak tum ne KHwab likhe ab KHwabon ki tabir likho

    is uljhan ko suljhane ki kaun si hai tadbir likho

    ishq agar hai jurm to mujrim ranjha hai ya hir likho

    jahan bhi qasr-e-shirin dekho 'KHusrow' ki jagir likho

    koh jahan hael hua us par KHun se ju-e-shir likho

    dasht se aazadi ki hawaen un ko bulane aati hain

    ahl-e-junun ko rokne wali kaun si hai zanjir likho

    shahr-e-suKHan ke izzat-daro kuchh to kisi ka pas karo

    koi to hoga jis ko aaKHir tum sahib-e-tauqir likho

    ham-watanon ke dard ka darman aisa kuchh dushwar nahin

    nam-e-watan hai ism-e-azam KHak-e-watan iksir likho

    apni kamanden phenk ke jis ko qaid kiya hai zulmat ne

    wo suraj kab ubhrega kab phailegi tanwir likho

    apne ahd ki saffaki par ye KHamoshi tanz nahin

    koi to hoga is ka sabab kyun baiThe ho dil-gir likho

    jab tak sar se KHun na bahega koh-kani hai KHam KHayal

    teshe ko KHallaq kaho ya patthar ko taswir likho

    Dha de jo insan ke dil mein rang o nasl ki diwaren

    koi to dastur-e-mohabbat aisa aalamgir likho

    har har daur ke likhne wale hashiye us ke likhte hain

    apne ahd mein nusKHa-e-dil ki tum bhi koi tafsir likho

    harf ki taqat be-payan hai harf ke hain imkan bahut

    harf ko zinda karna sikho phir chahe taqdir likho

    dil par jis ke naqsh na ubhrin wo kya abru kaisi nazar

    kitna hi tum tir nazar ko abru ko shamshir likho

    raushan kaise hoga sawad-e-harf jo KHun-e-dil na jala

    charba tum 'ghaalib' ka utaro chahe ba-rang-e-'mir' likho

    apne dukhDe likh likh kar diwan to tum ne jama kiya

    dil ko jo badle ab koi aisa sher-e-pur-tasir likho

    Source:

    Monthly Usloob (Pg. 369)

    • Author: Mushfiq Khawaja
      • Edition: Oct. õ Nov. 1983,Issue No. 5-6
      • Publisher: Usloob 3D 9—26 Nazimabad karachi   180007
      • Year of Publication: Oct. õ Nov. 1983,Issue No. 5-6
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now