ishwa kyun dil-ruba nahin hota

ishva kyuuñ dil-rubā nahīñ hotā

ġhamza kyuuñ hashr-zā nahīñ hotā

āzmā.eñ lahū ko rañg-e-hinā

khul gayā der-pā nahīñ hotā

jaan dete ho un ke va.adoñ par

jin kā va.ada vafā nahīñ hotā

aa.ina us ko detā hai tarġhīb

jo koī ḳhud-numā nahīñ hotā

kab nahīñ hotī fikr kis lamha

dosh par tasma-pā nahīñ hotā

jis kī lau se chamak uThī hai mizha

aisā nāvak ḳhatā nahīñ hotā

zeb-e-tan jaama ā.īna-paikar

koī pahlū chhupā nahīñ hotā

sañg kah kar pukāriye us ko

dil jo dard-āshnā nahīñ hotā

khātā hai aadmī nazar ke fareb

dīda-e-dil jo vā nahīñ hotā

naale ko dastaras nahīñ na sahī

haath ḳhud kyuuñ rasā nahīñ hotā

ishwa kyun dil-ruba nahin hota

ghamza kyun hashr-za nahin hota

aazmaen lahu ko rang-e-hina

khul gaya der-pa nahin hota

jaan dete ho un ke wadon par

jin ka wada wafa nahin hota

aaina us ko deta hai targhib

jo koi KHud-numa nahin hota

kab nahin hoti fikr kis lamha

dosh par tasma-pa nahin hota

jis ki lau se chamak uThi hai mizha

aisa nawak KHata nahin hota

zeb-e-tan jama aaina-paikar

koi pahlu chhupa nahin hota

sang kah kar pukariye us ko

dil jo dard-ashna nahin hota

khata hai aadmi nazar ke fareb

dida-e-dil jo wa nahin hota

nale ko dastaras nahin na sahi

hath KHud kyun rasa nahin hota