isi bana pe agar ki to dosti karungi

isī banā pe agar kī to dostī karūñgī

faqat tumhārī nahīñ, apnī baat bhī karūñgī

is ehtiyāt ke khūñTe se bāñdh mat mujh ko

ki jitnī bas meñ mire hai maiñ zindagī karūñgī

zamīñ pe puure tasalsul se ishq chāhiye hai

ye kaam pahlā kiyā hai ye āḳhirī karūñgī

vo tark-e-pās-e-vafā hī thā dushmanī nahīñ thī

huzūr pās-e-ta.alluq to aaj bhī karūñgī

ye ḳhud-aziyyatī mahmez hai tabī.at ko

so zaḳhm zaḳhm kuredūñgī shā.irī karūñgī

isi bana pe agar ki to dosti karungi

faqat tumhaari nahin, apni baat bhi karungi

is ehtiyat ke khunTe se bandh mat mujh ko

ki jitni bas mein mere hai main zindagi karungi

zamin pe pure tasalsul se ishq chahiye hai

ye kaam pahla kiya hai ye aaKHiri karungi

wo tark-e-pas-e-wafa hi tha dushmani nahin thi

huzur pas-e-talluq to aaj bhi karungi

ye KHud-aziyyati mahmez hai tabiat ko

so zaKHm zaKHm kuredungi shairi karungi