isi futur mein karb-o-bala se lipTe hue

Faryad Aazar

isi futur mein karb-o-bala se lipTe hue

Faryad Aazar

MORE BYFaryad Aazar

    isī futūr meñ karb-o-balā se lipTe hue

    tamām umr gañvā anā se lipTe hue

    abhī bhī mil na sakī in ḳhāmushī ko zabāñ

    ye log ab bhī haiñ saut-o-sadā se lipTe hue

    havā ke shahr meñ bas saañs lene aate haiñ

    vagarna ahl-e-zamīñ haiñ ḳhalā se lipTe hue

    har ek samt lagā hai ḳhamoshiyoñ hujūm

    ye kaun log haiñ koh-e-nidā se lipTe hue

    hañsī bhī aatī hai in par taras bhī aatā hai

    ye nafratoñ ke pujārī ḳhudā se lipTe hue

    ham ibtidā meñ pahuñche the intihā ko kabhī

    ab intihā meñ bhī haiñ ibtidā se lipTe hue

    maiñ zindagī ke masā.il se laḌnā chāhtā huuñ

    magar vo haath nigār-e-hinā se lipTe hue

    vagarna ḳhatm na hotā gahan kabhī 'āzar'

    añdhere ḳhauf-zada the ziyā se lipTe hue

    isi futur mein karb-o-bala se lipTe hue

    tamam umr ganwa di ana se lipTe hue

    abhi bhi mil na saki in ki KHamushi ko zaban

    ye log ab bhi hain saut-o-sada se lipTe hue

    hawa ke shahr mein bas sans lene aate hain

    wagarna ahl-e-zamin hain KHala se lipTe hue

    har ek samt laga hai KHamoshiyon ka hujum

    ye kaun log hain koh-e-nida se lipTe hue

    hansi bhi aati hai in par taras bhi aata hai

    ye nafraton ke pujari KHuda se lipTe hue

    hum ibtida hi mein pahunche the intiha ko kabhi

    ab intiha mein bhi hain ibtida se lipTe hue

    main zindagi ke masail se laDna chahta hun

    magar wo hath nigar-e-hina se lipTe hue

    wagarna KHatm na hota gahan kabhi 'azar'

    andhere KHauf-zada the ziya se lipTe hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY